Internkontroll og tilsyn i Lom og Skjåk skal sikre at tenestene er i samsvar med lovkrav, planar og faglege standardar. Gjennom systematisk oppfølging av rutinar og avvik, samt ekstern kontroll, skal kommunen utvikle trygge tenester av høg kvalitet for innbyggjarane. Internkontroll er eit sentralt verkemiddel for å sikre kvalitet, pasienttryggleik og forsvarlege tenester i begge kommunane.
Internkontroll i Lom og Skjåk kommunar
Kommunane skal ha system som sikrar kontinuerleg forbetring av tenestene og som gir tilsette tydelege rutinar for oppfølging, avvikshandtering og kvalitetssikring.
Lom og Skjåk kommunar nyttar kvalitetssystem og interne rutinar for å:
- sikre at tenestene blir utførte i samsvar med lov- og regelverk
- følgje opp avvik og forbetringsområde
- dokumentere praksis og avgjerder
- bidra til læring og utvikling i tenestene
Lom og Skjåk nyttar Compilo som internkontrollsystem. Dette sikrar at vedtekne prosedyrar blir følgde, og at pålagde og planlagde oppgåver blir gjennomførte. Avvik skal meldast, registrerast og følgjast opp i kommunen sitt kvalitetssystem. Føremålet er å førebyggje feil, forbetre praksis og styrkje kvaliteten i tenestene.
Internkontrollen omfattar:
- Lom og Skjåk sine kvalitetsstandardar for dei ulike tenestene
- kommunane sitt avvikssystem i Compilo
- årlege vernerunder
- årleg revisjon av prosedyrar
- årleg revisjon av GDPR-protokollar
- årleg revisjon og gjennomgang av ROS-analysane
- utvalde kontrollpunkt knytte til sentrale område innan internkontrollen
Tilsyn i Lom og Skjåk kommunar
Tilsyn
Kommunen er underlagd tilsyn frå eksterne styresmakter. Tilsyn inneber at ein offentleg instans undersøker om kommunen etterlever lov- og regelverk, og om innbyggjarane får dei tenestene dei har krav på.
Statsforvaltaren i Innlandet er ei sentral tilsynsstyresmakt for kommunane Lom og Skjåk og fører tilsyn med fleire av kommunane sine tenester.
Statlege tilsynsstyresmakter via Statsforvaltaren
Gjennom Statsforvaltaren blir kommunen følgd opp av fleire nasjonale tilsynsstyresmakter, mellom anna:
- Utdanningsdirektoratet
- Statens helsetilsyn
- Direktoratet for samfunnstryggleik og beredskap
- Integrerings- og mangfaldsdirektoratet
- Miljøforvaltninga
Desse fører tilsyn med kommunen sine oppgåver innan mellom anna oppvekst, helse, beredskap og samfunnstryggleik.
Betydning for Lom og Skjåk kommunar
Internkontroll og tilsyn skal bidra til:
- kvalitet og forsvarlegheit i tenestene
- tydeleg ansvar og oppfølging
- læring og forbetring i organisasjonen
- tillit til kommunen sine tenester
I Lom og Skjåk er det særleg viktig med gode system som sikrar lik praksis, tydeleg dokumentasjon og kontinuerleg utvikling innad i kommunane og på tvers.
For meir informasjon om samhandling, kvalitet og tidleg innsats, sjå betreinnsats.no.